Thet Tant Hlwar (သက်တန့်လွှာ)

အရိုင်းဆန်တဲ့ အတွေးများလည်း ဟိုတစ်စ ဒီတစ်စ ကျွနှ်ပ်ကောင်းပြီး သင်မကောင်းတဲ့ခါ ဥပက္ခာသာ အစားထိုးကာ သခင့်လမ်းစဥ် လိုက်ဖို့ရာ ကောင်းဆိုးနှစ်တန် လက်ခံပါ ........... စိုသောလက် မခြောက်စေလို ချစ်စရှည်လို့ မုန်းစကို တိုစေ ရပ်တည်မှုတို့ မှန်ကန်စေ ..... ပိုင်းခြားသိမြင် စိတ်စွမ်းအင်က အချိန်က အဆုံးအဖြတ်ပေးလို့ ရင့်ကျက်မှုတို့ ကြီးထွားစေ ........ (14.9.2019) YGN

အစကတော့ တစ်မျိုး ဖြစ်ချင်တာနဲ့ ဖြစ်နေတာ တစ်ထပ်တည်းကျဖို့ ငါ့အသက်မွေးမှုက လက်တွေ့ကျကျ ....... နောက်တော့ တစ်မျိုးတိုးလို့ ဆေးစက်ကျရာ အရုပ်ထင်သလို ကလောင်တစ်ချက်က လက်နက်လိုပ စိတ်ယိုင်းတွေ ယဥ်စေလို့ လမ်းပျောက်သူကို ဖေးကူနိုင်ဖို့ စကားလုံးတွေကို အသက်သွင်းရင်း သွေဖီခြင်းသို့ ရောက်ခဲ့ပြီလေ ......... ဘယ်လိုပင် ဖြစ်ပါစေ ရပ်တည်မှုက အားနည်းတဲ့ဖက် ရပ်တည်စွမ်းနိုင်ဖို့ ရည်သန်လို့ရယ် စွမ်းသလောက် စွမ်းကုန် ရပ်တည်လို့ ငါကြိုးစားချင်တယ် ......... မေတ္တာစေကျွန် ဖြစ်ချင်လည်းဖြစ် မေတ္တာနှလုံး အစဥ်သုံးလို့ ရောင်ပြန်မလာ ရှိပါသော်လည်း ပို့သမေတ္တာ မခမ်းပါဟု ယုံကြည်မြဲမို့ လျှောက်ဆဲလျှောက်မြဲ လောကလမ်းထဲ .............. (29.7.2019) YGN 

မခြွေခင်က ကြွေနှင့်လေပြီ ပီတိစကား မကြွားတကြွား ပြောချင်လွန်းလှသည် .............. ချည်မိသည်ကြိုး တိုးလို့ခိုင်ကာ နှစ်ဦးမေတ္တာ သွားရာလမ်းမှာ တားဆီးမဲ့စွာ ရှိပါစေကြောင်း တောင်းဆုခါခါ ခြွေလို့သာ ........... ခုချိန်ခါထိ ပြည့်ဝဆန္ဒ ထပ်တူကျလို့ ကြည်နူးခြင်းရဲ့ ဟိုးတစ်ဖက်မှာ တားဆီးကာမရ မျက်ရည်များက အားပါးတရ စီးကာကျခဲ့ပြီ .......... ရင်မှာ ဆန္ဒ ရှိခဲ့ပါသည် ထာဝရထက် တစ်ရက်ပိုကာ ရှိနေချင်တာ မင်းအတွက်သာ ............. သို့ကြောင့်သည်သာ မေတ္တာစိတ်ထား မဖောက်ပြားပဲ သစ္စာများဖြင့် မြဲမြဲခိုင်ကာ ချည်ထားဆဲပါ .............. 7.8.2019 (10:01 PM)

ရင်မှာ ထင်ကျန်ခဲ့ပြီ ဒဏ်ရာကိုယ်စီ လျှောက်ခဲ့တဲ့လမ်းမှာ ရှေ့တိုးဖို့ခက်တော့ လိုက်လို့ပြေးတာလား၊ ပြေးလို့ လိုက်တာလား ....... ခွဲခြားမရတဲ့ နောက်မတော့ အမြီးအမောက် မတည့်သော ဝေဒနာက ဒီရင်မှာ လာရိုက်ခတ်တာပဲလေ .............. လွယ်လွယ်လေးနဲ့ ရဖို့ခက်တော့လည်း ခက်တာကိုမှတသသနဲ့ လူ့ဘဝ လက်မလွှတ်နိုင်တာမို့ အထာကျကျနဲ့ပဲ လမ်းဆုံးထိလိုက်မလား လက်လျှော့ရမလား သူ့အတွေးတွေ ဝေဝါးစေတာ .................. ပြောချင်တဲ့ စကားလေးတစ်ခွန်းကိုမှ သူသိပါစေ ပြောဖို့ရာ ဆွံအ ........... သေရာပါတဲ့ဒဏ်ရာများနဲ့ သူကထားရစ်လို့ တကယ်တော့ ကိုယ်တို့နှစ်ဦးက မဆုံနိုင်တော့တဲ့ လမ်းကိုယ်စီ နီးရက်နဲ့ဝေး ............ ဟိုးအဝေးဆီသို့ ပြေးခဲ့ကြပြီ။ (7.3.2019) WED

လွဲလွဲလေးနဲ့ ပဲ စခဲ့လို့များလား တစ်ဘဝ တစ်ခဏမှာတောင် ချစ်ခြင်းမေတ္တာများက ဟိုလိုလို ဒီလိုလိုနဲ့ ငါ့ဘဝဆီဝင်လာတာ ခရီးသွားဟန်လွဲလိုပဲ ခဏတဖြုတ်လေးပဲထင်ရဲ့ ....... တကယ်ပါ ဒီဘဝဒီမျှနဲ့ ကျေစရာရှိလည်း ကျေပါစေတော့ရယ်လို့ တောင်းဆုချွေမိပြန်တယ် ....... ဒီလိုနဲ့ပဲ အလွမ်းတွေနဲ့ မိတ်သဟာရဖွဲ့ လွမ်းသူ့ရင်မှာ လွမ်းမိုးတွေရွာချလို့ လွမ်းရတိုင်း ကိုယ့်မှာ အလွမ်းသီချင်းတွေ ဆို ညည်း မခိုင်မာတဲ့ သဘောဆောင် ကျမျက်ရည် စိုကာရွှဲလို့ ငိုမိပြန်တယ် ........ အဖြည့်ခံ လိုပဲ ဖြစ်ဖြစ် အစားထိုးစရာ ဒီလူသားမှာလည်း လူမသိ သူမသိ မမြင်အောင် ဖုံးကွယ်ထားတဲ့ နှလုံးသားတစ်စုံက ဂျောင်ထိုးထားရတဲ့အဖြစ်......... မျှော်နေရင်း လင့်တတ်တာ သိနှင့်နေလည်း မျှော်နိုင်သမျှတော့ မျှော်မိတုန်း ......... (9.6.2019) 10 : 40 PM

အစမရှိ အဆုံးမသိသလို ဒီလက်တစ်စုံနဲ့ ဖန်တီးလိုက်တဲ့အရာက အဆိပ်အတောက်များ ဖြစ်စေသလားဆိုတာ မတွေးမိရော့လေသလားလေ ........... ရလဒ်ကတော့ မည်သူမပြု မိမိမှုဆိုတာ ကမ္ဘာဦး အစ ကတည်းက သက်သေ သာဓကများနဲ့ ရှိလာခဲ့တာကလား........... လူ့သဘာဝ တူရာပဲ စုတတ်တာမို့ အညှီရှိရာ ယင်အုံစမြဲဆိုတာ မြင်သာထင်သာ ရှိလွန်းလို့ ............ အမှန်တရားက သိပ်ခါးတော့လည်း အနာပေါ် တုတ်ကျသလို ဖြတ်ဖြတ်လူးလို့ လက်သည်း ဆိတ်တော့ လက်ထိပ် နာမှာသေချာ............. နောက်ဆုံးမတော့ ဟိုတွယ်ဒီတွယ် ရှုတ်ထွေးနှောင်ရစ် မလူးမလွန့်သာ မဖြစ်ရအောင် ရပ်တည်ကြိုးစား နောက်နေ့များပေါ့ .............. (30.5.2019) YGN

အမှန်တရားကို တံဆိပ်ရိုက် လူမြင်အောင်ပဲ သိမ်းလို့ ဒီအရပ်ကနေ ဆုတ်ခွာဖို့ကြိုးစား ရှေ့တစ်လှမ်း မတိုးသာမှန်း စောစောကသိခဲ့ရင် ကောင်းသား ..... တကယ်တော့ ................. ကျောခိုင်းတတ်ဖို့သာ လိုတာပါ......... လူတွေအမြင်မှာ အပေါ်ယံတွေသာ အားကျစေဖို့ ငါ ....... အားမထုတ်ပါရစေနဲ့ ခဏတာ ပေါ်လွင်ခြင်းက ကောက်ရိုးမီးလိုသာ ဆိုတာ သူသိခဲ့ရင်ကောင်းမှာ ......... အဓိကနဲ့သာမည ခွဲနိုင်ဖို့တော့ ငါ  အမြဲကြိုးစားတာပါ မရောင်ရာဆီလူး အနာနဲ့ဆေး မတည့်တဲ့ခါများလည်းရှိစေအုံးတော့ ...... ဝါးလုံးခေါင်းထဲ သာတဲ့လရဲ့ အလင်းထဲမှာ မင်း ကျေနပ် ပျော်ရွှင်နေတော့ ဒါဟာ ... တစ်ဘဝစာလား တဒင်္ဂအတွက်လား သေချာသုံးသပ် အမှန်ကိုပဲ မြင်လိုက်စမ်းပါ....... ရှေးဘဝ ကုသိုလ်ရယ်ကြောင့် ‌အထောက်အပံ့ကောင်းလေး ရချိန်မှမဟုတ်ပဲ အနာဂတ်နေ့များမှာပါ ရှင်သန် ရပ်တည်နိုင်ဖို့ မင်းဖက်က ကြိုးပမ်းရလိမ့်မယ်ပေါ့ ....... ပြည့်သောအိုးက ဘောင်ဘင်မခတ် လေယူရာ ဘယ်မတိမ်းဘူးဆိုတာ ရှေးလူကြီးတွေ အဆိုရှိခဲ့သလိုပဲ လက်ရှိလောက တွေ့ရမြင်ရ သူခိုးက လူဟစ်လို့ ဘယ်သူ့နောက်က ငါတို့ရပ်မလဲ အမှန်ကို မြင်ဖိ...

အနိုင်မယူလိုပါ အရှုံးမပေး နှလုံးလဲအေးစေ မေတ္တာတရားနဲ့ လမ်းပြ အေးချမ်းလှတဲ့ တစ်ဘဝ ငါလေ ဖြတ်သန်းချင် ....... ကိုယ်နှင့်ယှဥ်ထား သူတစ်ပါးအား ကရုဏာပွားလို့ ဖေးမလို့ကူချင် ဒုက္ခဟူသမျှ ကင်းဝေးစေ ......... အောင်မြင်မှုမှာ သူ့အရာဟု အားပေးဝမ်းမြောက်ပြုခြင်းသည်သာ ပွားရ မုဒိတာ ..... စာနာနှလုံးသားနဲ့ သူပြုလေသမျှ အမှားအမှန်ကို အတ္တမဆန် အမှန်ကိုလက္ခံ ပြုထားသည်သာ ဥပေက္ခာ ..... လေးပါးဗြမ္မာစို တရားမှန်ကို စွဲကိုင်ပြုလို့ လျှောက်မှသာလျှင် ငြိမ်သက်ချမ်းမြ ဤဘဝတွင် ရမည်မုချ ယုံကြည်စွာ ....... (27.5.2019) YGN

သူက ကိုယ့်အတွက် နာကျင်ရတယ်ဆိုတာလည်း ကံကြမ္မာကိုပဲ ရိုးမယ်ဖွဲ့ ဒီဝဋ်ကြွေးက ဒီဘဝဒီမျှသာပဲ ရှိစေတော့ရယ်လို့ ခံယူထားလေတော့ ကိုယ့်မှာ .... ခပ်နုံနုံ ခပ်ထုံထုံ ဦးနှောက်နဲ့ ခပ်ညံ့ညံ့အတွေးများသာ ထွက်လာခဲ့လေသလား.... အမှန်ကို မမြင် သူ့ဖက် တစ်ချက်ငဲ့မကြည့်ခဲ့မိတဲ့ ခပ်ညံ့ညံ့ နှလုံးသားတစ်စုံကိုလည်း အပြစ်ဖို့ရင်း နောင်မှရသော နောင်တများနဲ့ .... ငါ ... တစ်နေ့မှာ ဒီအပြစ်ကြွေးတွေ ကျေအောင်ဆပ်မဖြစ်လိမ့်မယ်........... (22.5.2019) YGN

လှည့်ကွက်များနဲ့ လောကအလယ် နေတတ်သလိုနေလာရင်း စည်းတစ်ခုထား နေသားတကျ နေထိုင်ဖို့ကြိုးစားမိလာ ............ စည်းဝိုင်းရဲ့ အပြင်ဖက် မှာပါပဲ ဝင်တိုးကြည့်ဖို့ မကြိုးစားမိသလို အဝေးသို့ပြေးဖို့ မခက်သာပြီမို့ နီးရက်နဲ့ သာ..... ‌နွေနွေ မိုးမိုး ဆောင်းဆောင်း ရာသီအလီလီ ဘယ်လိုပင်ပြောင်း ဆန္ဒတွေ မပြောင်းပါဘူး အလှဆုံးနေ့များကို ဖန်တီးလို့ လျှောက်သောလမ်းက စိမ်းလန်းစေဖို့ ....... ဘဝရဲ့ အဓိပ္ပါယ်ကို ဖွေရှာတဲ့အခါ ရိုးရှင်းလွန်းစွာ နေထိုင်ဖို့ သိလာ ပေးဆပ်ခြင်းနဲ့ ရင်းနှီးစွာ ဘဝခွန်အား ပေးခွင့်ရစေသားလို့ရယ် ဆန္ဒတွေပြု ဆုတွေတောင်းမိခါခါ ...... အမှန်တရားက သိပ်ကိုခါးမှန်းသိစေခဲ့လည်း လွတ်မြောက်ခွင့်သာ ရချင်သူမို့ လွတ်‌မြောက်ဖို့လမ်း ကြံစဥ်ရည်မှန်း သွားရာလမ်းမှာ အေးချမ်းမှုနဲ့မိတ်ဖွဲ့ ကင်းပါစေ....နောင်မှတတဲ့နောင်တမျိုးကို တစ်သက်မယူ ကြည်ဖြူစွာနဲ့ အရှုံးမပေး နှလုံးအေးလို့ရယ် သွားနေပြီ ပန်းတိုင်ဆီသို့ ........... (16.5.2019) 9:30 PM

ဥမမည် စာမမြောက် ကလေး ဘဝရယ်ကစ အချိန်တန်တော့ အပျံသင်လို့ ....... တစ်နေ့တော့ရယ် ဘဝအဓိပ္ပါယ်ဖွေရှာဖို့ တောင်ပံတစ်စုံကို လက်နက်ပြုလို့ ဦးတည်ရာ ဘယ်ဆီရယ်သို့ မနားတမ်းပဲ ပျံကာဝဲတယ် အမေ့ဆီက ခွဲထွက် ....... ရာသီရယ် ချိန်ခါကြောင့် မာန်ဟုန်ပြင်းပြင်း အားတင်းသော်လည်း ဖွေရှာရပြန်တယ် အိုဘယ့် နားခိုရာ ....... နားခိုရာတွေ့ ပြန်သမို့ ပင်ထက်ဆီ အားအင်တွေဖြည့်ပါလို့ နေခြည်ဖြာတဲ့ မနက်ခင်းမှာလ ပြန်စခဲ့ပေါ့ ဒီခရီးရှည် ...... တစ်နေထွက်လို့ တစ်နေဝင် နေ့စဥ်ခါပင် သူမနား ဖန်ဖန်ရယ် အားတွေဖြည့်ရတယ် ဘယ်တော့များ ခရီးဆုံးလိမ့်ရယ်လို့ တွေးမိ အခါခါပေမဲ့ တစ်နေ့တော့ဖြင့် တွေ့မယ်လို့ရယ် မမောတမ်းပျံသန်း ........... (18.5.2019) 9:30 PM

စေတနာနဲ့အသပြာ နှိုင်းဆစရာ သူဖွေရှာတော့ မြင်သာထင်သာ ဘယ်အရာက အလေးသာတာ စေတနာ အမျိုးမှန်တော့ အကျိုးပေးသန်မှန်း မင်းသိလောက်ပေါ့ ...... လုပ်ရပ်တိုင်းမှာ သစ္စာတရား ဦးထိပ်မှာထား ကိုယ့်အကျိုးထက် သူ့ကောင်းကျိုးသာ မျှော်မှန်းရည်ကာ မင်းကြိုးစားပါ....... လိုအပ်နေရာ ကွက်လပ်ဖြည့်ပါ ဖြည့်ရန်ကွက်လပ် ဖြည့်ပြီးက စိတ်ထဲ ပီတိဝင်လာမှာ ...... ဖြူစင်စိတ်ထား မြဲမြဲခိုင်ကာ လျှောက်လှမ်းသေချာ ခရီးလမ်းမှာ ဆူးညောင့်ခပင်း ကင်းစေမှာ ......... မေတ္တာစိတ်ထား တိုးပွားကျင့်ကာ ထားသည့်မေတ္တာ ဦးတည်ရာမှာ ကိုယ်ကျိုးမပါ သန့်ရှင်းဖြူစွာ မင်းရပ်တည်ပါ ....... ပေးဆပ်ခြင်းမှာ ပျော်မွေ့ကြည်စွာ ယုံကြည်ရာလမ်း မင်းလျောက်လှမ်းပါ တစ်နေ့တော့ဖြင့် ‌ရောင်ပြန်လာလိမ့်မှာ ............ (16.5.2019) 8:00 PM 

ဘဝဆိုတဲ့ ကျောင်းတော်ကြီးမှာ အသစ်အသစ်တွေလည်း လေ့လာ အဟောင်းထဲက အကောင်းများစွာ ယူလိုက်ပါ ကောင်းတဲ့အရသာ ....... ဖြူစင်လိုက်ပါ ညီမလေးရာ အဖြူရောင်မှာ တခြားအရာ အစွန်းထင်းတော့ မခံစေချင်တာ မူလအတိုင်း ပကတိအရာသာ ရှိစေအပ်တာပါ  ...... ရှိသင့်တဲ့မာနတရားကို တပ်ဆင်လို့ ရိုးရှင်းလွန်းစွာနဲ့ ကိုယ့်ကိုကိုယ် တန်ဖိုးထားသင့်သလောက် ထားလိုက်စမ်းပါလေ ........ အ‌ကြောင်းတရား အမျိုးမျိုးတွေကြောင့် အကျိုးတရားပေါင်း မြောက်များစွာဟာ တိုက်ဆိုင်လွန်းလို့ ဆိုတာထက် မိမိစိုက်ခဲ့တဲ့အတိုင်းမို့ ရလာတဲ့ အသီးအပွင့်လို့သာ မှတ်ယူလေ........ ချိုမြိန်တဲ့ရလဒ်‌‌‌တွေဟာ သက်သေပြုနေတာ လောကမှာ ရေများရေနိုင် မီးများမီးနိုင် ဆိုတာမျိုးတော့ အနည်းနဲ့ အများတော့ ရှိပေအုံးမပေါ့ ....... အများ မိုးခါးရေသောက်တော့ ကိုယ်လည်း လိုက်သောက်မလား ပြောချပစ်လိုက်ပါ မိုးထိတစ်ဆုံး ကိုယ့်မာန် ကိုယ့်ဟန် ကိုယ့်မူကိုယ်ထုတ် ငါက နင်မဟုတ်ဘူးဆိုတာ ...... ရွေးချယ်ခွင့်မရှိတဲ့ အခြေအနေတစ်ခုမှာ ရှိနေတာလေးပဲ အကောင်းဆုံးမှတ်ယူ လဲလျင်ပြန်ထ လျှောက်မြဲလျက်သာ အားပြင်းတဲ့ မြားတစ်စင်းလိုပေါ့........

နှလုံးသည်းပွတ် ကျွမ်းလှချည့်ရဲ့ ရင်တွင်းဝေနာ မဖြေသာတည့် ထိုင်မရထမရ ခက်လှသည် ...... မဖြေသာ ဝေဒနာများနဲ့ မကြားချင်သား ဒီစကားကို ငြင်းရခက်လှသည် ........ ဝေးဖို့အကြောင်းကံ ပါလာပြန်တော့ လွမ်းနေယုံသက်သက်ပဲမို့ အလွမ်းသံသရာမှာ ဆရာကျခဲ့ပြီ  ...... အချစ်နဲ့ မေတ္တာတရားမှာ ဘယ်အရာက အေးချမ်းသလဲ အကြိမ်ကြိမ်အခါခါ သုံးသပ် အဖြေမှန်ကို ဆုံးဖြတ်ခဲ့မိပေါ့ ........ ရခဲ့တဲ့ဒဏ်ရာတွေများ အချိန်တွေကကုစား အားသစ်တွေမွေးရင်း အတိတ်နေ့စွဲများ တဖြည်းဖြည်း မှုန်ဝါးစေ..... အနာဂါတ်နေ့များ ပီပြင်ပြတ်သားစေ.... (10.5.2019) YGN 

တဒင်္ဂတစ်ခဏလေးပါ တိတ်တဆိတ်ပဲ လွင့်ကြွေ ခဲလုံးလေးတစ်လုံး တောက်ချလိုက်သလို ဟိုးအဝေးဆုံးထိ လွင့်စင်ထွက်သွားချင်မိရဲ့ ....... ဒါပေမဲ့လည်းလေ အခြေအနေမှန်ကိုမြင် ပစ္စက္ခကို လက်ခံစေချင် လိုတာမရ ရတာမလိုတဲ့ လူ့သဘာဝမို့ အပြစ်ဖို့စရာမမြင် ....... အဖြည့်ခံရှိမှ   လိုအပ်နေရာပြည့်မှာမို့ အပြည့်စံရအောင် အဖြည့်ခံပါမယ်လေ ...... အဖြည့်ခံဆိုတဲ့   ပညတ်တစ်ခုက အမုန်းမရှိ အရာရာစွန့်လွှတ်ရင်း အပြုံးများဖြင့်စွန့်လွှတ်ရင်းနဲ့ပဲ ပေးဆပ်ခြင်းသက်သက်ဆိုတာ တစ်နေ့ပြီးတစ်နေ့ပိုသေချာ   ....... ပျော်ရွှင်စရာ   ကြံဖန်ရှာပြီးမှ တစ်နေ့ပြီးတစ်နေ့ အားဖြည့်ရတာ ပို့သမေတ္တာ ရစေလို့ငှာ ကိုယ်လည်းအားတင်းရင်း ....... လမ်းခုလတ်မှာ မရပ်တန့်ရေး လှော်တက်ကို အားကုန်ယက်လို့ စွမ်းကုန်ရွက်လွှင့်  .......... TTH (6.5.2019) YGN

ရင္းႏွီးမႈတစ္ခု အစျပဳလို႔ တစ္ေယာက္ေကာင္းက်ိဳးတစ္ေယာက္ လိုလားလို႔ အျပန္အလွန္နဲ႔ ေပးျခင္းနဲ႔ ယူျခင္းက မွ်တ စိတ္တူကိုယ္တူမွ်လို႔ ေမတၱာတရား တိုးပြား သစၥာတရား လက္ကိုင္ထား ၾကာလာတာနဲ႔အမွ် ႀကိဳးစားရမွာ အရင္းအတိုင္း မေျပာင္းလဲပဲ ဆက္ဆံေရးတည္ၿမဲဖို႔ ဘယ္ေတာ့မွ မၿပိဳကြဲဖို႔ လ်စ္လ်ဴရႈသင့္တာရႈလို႔ တြန္းအားအျပန္အလွန္ေပးလို႔ ေလွ်ာက္ရမဲ့ဘဝလမ္းမွာ တိုတိုထြာထြာ ေဟာတစ္ခု ေဟာတစ္ခုနဲ႔ ယူမကုန္ႏိုင္ သင္ခန္းစာေတြမ်ား သံေဝဂေတြပြားၾကရင္း သတိျပဳၾကရင္း   မနက္ျဖန္မ်ားအတြက္   အားေတြေမြးၾကရင္း   အျဖဴေရာင္ သံေယာဇဥ္တစ္မ်ိဳးနဲ႔ အရင္းႏွီးဆံုးတစိမ္းေတြ အျဖစ္ အရွိတရားကို လက္ခံၾကစို႔လား ... 🌼🌸🌼🌸🌼🌸🌼🌸🌼🌸