ဖွင့်ထားတဲ့စိတ်ရဲ့ တံခါး
အဖြေကိုရှာထား
ယုံကြည်သူရင်ထဲ
ဒီ တစ်စိတ်ပဲ
ထွင်းဖောက်လို့ဝင်ခဲ့
အဖြေကရှိနှင့်သတဲ့ .....
အရှုတ်တွေရှင်းရင်း
အနုအကြမ်း ပြေးတဲ့လမ်းမှာ
ခေါင်းမော့ ရင်ကော့
မြန်မြန်သော့သော့
ရောက်ချင်လှပြီ ပန်းတိုင်ဆီ။
ဆန္ဒလိုအင်
ညညတွေဟာ တိတ်ဆိတ်လွန်းလှ တွေးချင်ရာတွေး ဆွေးချင်စရာ ကိုယ့်အတွက် အကြောင်းပြချက်မဲ့ အဟောင်းတိုင်း အကောင်းတိုင်းရှိနေသေးတဲ့ နှလုံးသားတစ်စုံနဲ့ ဒီချိန်ဆို ကြုံလာနေကျ အမှတ်ရစရာတွေက တိုက်ဆိုင်လွန်းလှတယ် ..... တစ်စုံတစ်ရာဟာ တစ်စုံတစ်ရာကြောင့်ပဲ ကိုယ်ပြုခဲ့မိသမျှ တရားစီရင်ချက်မှာ အပြစ်သားတစ်ယောက်သာသာ မဖြစ်ချင်ပေမဲ့လဲ ဝဋ်ကြွေးရှိက ဒီဘဝ ဒီမျှနဲ့ကျေပါစေ ..... ဆန္ဒလိုအင်ဆိုတာ ကိုယ့်အတွက်တော့ ဒီထက်ကို မပိုတော့တာ လေးနက်မှုကို ပမာပြုလို့ ရင်ထဲမှာ ပန်များနဲ့ ပွင့်စေ ဝေစေ ကြေကွဲစရာများ အမြဲလွင့်စင်စေ ..... (25.12.2019) Wed
Comments
Post a Comment