Thet Tant Hlwar (သက်တန့်လွှာ)

  လီလီရေ ကိုယ့် အမြင်တော့ ပန်းတကာထဲမှာတော့ ကြွားကြွားလွင့်လွင့် ခန့်ခန့်ထယ်ထယ် နဲ့ မင်းက အရောင်အသွေးစုံလှတယ် .... စွမ်းအားရှိသလောက်  ပွင့်လာတဲ့အခါလည်း လှရက်နိုင်လွန်းတာ  လူတွေရဲ့ စိတ်နှလုံး သိမ်းကြုံးယူငင်လို့ လှမြဲလှလျက် အလှမပျက်ရှာတယ် တာဝန်လည်းကျေတယ် …. လှရက်နိုင်တဲ့ လီလီရေ  ၁၂ ရာသီမှာ အမြဲပွင့်လန်းဖို့ တို့ မျှော်နေမယ်လို့ ....။  သက်တန့်လွှာ (29.1.2024) YGN

လောကမှာ အမှန်တရားဟာ အမြဲ ကန်လန့်ကာနောက်မှာရှိတာ တစ်နေ့ပြီး တစ်နေ့ သိသထက်သိလာ .... ဆင်သွားရင် လမ်းဖြစ်တယ်ဆိုတာလည်း   ဆင်သေကို ဆိတ်သားရေနဲ့ဖုံးဖို့ကြိုးစား မသူတော်တွေက သူတော်ကြောင်းပြကြလို့ အရူး ဘုံမြှောက်ခံရတဲ့ခေတ်မှာ ကန့်လန့်ကာနောက်က သူ့တို့စိတ်ထားတွေ မရိုးဖြောင့်ဘူးဆိုတာ ကြုံးဖူးမှ သိမှာပါ    ..... ဘုရားသခင်ထံ သွားတဲ့လမ်းမှာ အပြစ်တွေကို ဆေးကြောကြ ဦးချဝပ်တွား သူလမ်းပြခေါ်ဆောင်တဲ့ဆီ သွားနေရင်း စိတ်​၏အလျင်က အရှိန်ပြင်းလှတော့ မထိခိုက်မိဖို့ ထိန်းကြစို့ .....။ သက်တန်လွှာ Oct 23, 2023 (YGN)

  ဖွင့်ထားတဲ့စိတ်ရဲ့   တံခါး အဖြေကိုရှာထား ယုံကြည်သူရင်ထဲ ဒီ   တစ်စိတ်ပဲ   ထွင်းဖောက်လို့ဝင်ခဲ့ ​ အဖြေကရှိနှင့်သတဲ့  ..... အရှုတ်တွေရှင်းရင်း အနုအကြမ်း   ပြေးတဲ့လမ်းမှာ ခေါင်းမော့   ရင်ကော့ မြန်မြန်သော့သော့   ရောက်ချင်လှပြီ   ပန်းတိုင်ဆီ။  

 နာကျင်စေဖို့ မရည်ရွယ်မှန်းသိပေမဲ့ အသည်းခိုက်ခဲ့တဲ့ နေ့တွေညတွေ .… အဆင်မပြေမှုတွေကြားထဲမှာ အဆင်ပြေသယောင် နေတတ်ခြင်းကလည်း စိတ်အေးချမ်းရခြင်းတစ်မျိုးပဲ .... မာနဆိုတဲ့ အလွှာပါးပါး ပိတ်ကာထားတော့ အမှားမြင်လို့ အမှန်ပြင်ဖို့ ခက်သေးတာအမှန် …. ကိုယ်တိုင်သတိမထားမိတတ်တဲ့ အတ္တတွေဟာ ဘက်လိုက်မှုကို ဖြစ်စေတာမျိုးပေါ့ .... အခြေအနေမတူတဲ့ ဖြစ်ရပ်တွေမှာ  ဗြဟ္မစိုရ်တရားဟာ ကွက်ကြားမိုးရွာလို့ ....။ TTH (27.1.2024)