Thet Tant Hlwar (သက်တန့်လွှာ)

မိုးပေါ်ကို မော့ကြည့်တော့ ညရဲ့လက အေးမြမြနဲ့  သူ့လင်း သူဆောင်ကျဉ်းလို့ ......  လမိုက်ညရဲ့ တိမ်သားကင်းစင်  အာကာတခွင် ကြယ်ကလေးများလည်း  စွမ်းသလောက်နဲ့ ကမ္ဘာမြေကို  လင်းစေတာပင် ..... ​ သူ့အလင်းနဲ့ သူ့အချင်းက ညအမှောင်ကို ထိုးဖောက်ခွင်းလို့  တစ်နေ့တာ မောခဲ့သမျှ  လမင်းကို ငေးရင်း  ကြယ်တွေကို ရေတွက်ရင်း  တိတ်တဆိတ် ည များစွာ  ကျော်ဖြတ်ကာနဲ့  ရက်လနှစ်တို့ ကုန်မြန်ခဲ့တာ  ငယ်စဉ်ကနဲ့ မတူတာ  တစ်နေ့ထက် တစ်နေ ပိုပိုသေချာလာ ...... ပိုကောင်းမဲ့ မနက်ဖြန်များအတွက်  ကမ္ဘာမြေအတွက် လင်းလက်စေမဲ့  ကြယ်တစ်ပွင့်ကဲ့သို့ ဖြစ်ချင်မိဆဲ  ဖြစ်ချင်တာနဲ့ ဖြစ်နေတဲ့ကြား သဟဇာတ မျှအောင်သုံးသပ်လို့  ချစ်ခြင်းများလည်း တူတကွဝေမျှ  တစ်ယောက်လက်ကို တစ်ယောက်တွဲကူ  ရင်ဘတ်ချင်းတူစွာနဲ့  ဝေငှကြစို့ သူငယ်ချင်း ...... (1.10.2019) YGN

အမာခံဆိုတာ မပြောင်းမလဲ ခိုင်မာတဲ့သဘောပဲ မဟုတ်လား သူလုပ်သမျှ ကောင်းကျိုးလိုရာ သာယာပါစေ ရည်သန်ကာလေ သူ့ဖက်မှသာ အမြဲရှိနေတာမျိုး .... သွေဖီခြင်း ကင်းသော အစွန်းအထင်း ကင်းသော ဘယ်အရာနဲ့ မှ မရောထားတဲ့ အဖြူရောင် တစ်မျိုးဖြင်းသာ စိတ်ခွန်အားပေး အမြဲ ရှိနေခြင်းမျိုး ..... မှန်တယ်ထင်ရာ သူလျှောက်လှမ်းကာ လမ်းတစ်လျှောက်မှာ ဖေးမခြင်းနဲ့သာ ထင်ပေါ်စရာ ဒီကမ္ဘာမှာ သူ့အတွက် မလိုတာ လက်ခံလို့ ဦးတည်ရာသာ ထင်ရှားစေကာ အလင်းဖက်မှာ ရပ်တည်ခြင်းမျိုး ..... (30.8.2019) YGN

‌ ပြန်ဆုံဖို့ကြိုးစားကြရင်း တို့နှစ်ဦး ရေစက်က ဒီမျှသာ ...... စည်းဝိုင်း အတွင်းကနေ မင်းနဲ့တို့ ဦးတည်ရာက ဆန့်ကျင်ဖက်သို့ ကိုယ်စီ တစ်နေ့ထက် တစ်နေ့ ဝေးသထက် ဝေးလာလို့ ..... ဒါဟာ မာနလို့ဆိုချင်ဆို တကိုယ်ရေ လွမ်းဆွတ်မှုဟာ မင်း သိခြင်း မသိခြင်းပေါ် မမျှော်ခဲ့မိတော့တာ ကြာပေါ့ .......... အဖော်မဲ့နေ့တွေကို အံတု အရာရာ နေသားတကျကိုဖြစ်လို့ ........ သံသရာ စက်ဝိုင်း တစ်ပါတ်လည်မဲ့ချိန် ဆုံမှတ်တစ်ခုမှာတော့ တို့နှစ်ယောက် ဆုံနိုင်ကောင်းရဲ့ ........... အဲ့ဒီအချိန်ကျတော့ အခြေအနေတွေဟာ အဟောင်းက အသစ်ဖြစ်လာမလား မရေရာလေတော့........... သေချာတာ တစ်ခုက ခုချိန်မှာတော့ မင်းနဲ့တို့နှစ်ဦးသား ဝေးရာ အရပ် ကိုယ်စီနှင်လို့ ............... (23.8.2019) YGN

နှလုံးသားက ခဏခဏ နာဖျားတယ် ခဏတဖြုတ်လာနားတဲ့ ငှက်တစ်ကောင်ဟာ ခုတော့ဘယ်ဆီမှန်းတောင် မရေရာ အချက်ပြမီးလေးတောင် မသုံးခဲ့တာ နင် ဉာဏ်ကောင်းလွန်းခဲ့လို့ပဲ .............. ကျန်ခဲ့တဲ့ကိုယ့်မှာသာ တစ်နေ့ပြန်လာနိုးနဲ့ အမှတ်မရှိ မျှော်နေမိတုန်း မျောချင်ရာမျော ကမ်းကဘယ်ဆီမသိ တဖြည်းဖြည်း အားနည်းလာလို့ ......... ကံတူအကျိုးပေးမဖြစ်ခဲ့၊ ဒီဘဝဒီမျှသာလို့ပဲ ကိုယ်မှတ်ယူကာ နေဖို့ကြိုးစားဆဲ မင်းပေးခဲ့တဲ့ အနာတရများနဲ့ ပေါ်ပင်မှာ ပျော်ရွှင်သယောင် ကိုယ် ဟန်မဆောင်တတ်ခဲ့ဘူး ......... (8.8.2019) YGN

ပထဝီ မကျေညက်ခဲ့တဲ့ငါက ခုခါမှာတော့ နည်းပညာအားကိုးနဲ့ မင်းရှိမဲ့ နေရာလေးကို ဖွေရှာ အကွာအဝေးကတော့ အစွန်းနှစ်ဖက်မှာ မင်းကအရှေ့ဆို ကိုယ်က အနောက်ပေါ့ ............ နီးစပ်ဖို့လည်း မလွယ်ကူပေမဲ့ အရာရာ စိတ်က ဦးဆောင်တာမို့ စိတ်စွမ်းအားတစ်ခုနဲ့ မြင်ယောင် အိပ်မက်ထဲတောင် ခဏခဏ သွားနေကျမို့ ကိုယ့်အတွက် မစိမ်းတော့တာ .............. တခါတရံမှာ အိပ်မက်မက်နေယုံနဲ့တင် ကိုယ့်ဘဝကို ရောင့်ရဲနေမိတော့တာ မောဟများနဲ့ မျောချင်ရာမျော ခရီးနှင်နေခဲ့မိတာ လမ်းခုလတ် အရောက်မှာ ပြုပြင်စရာများလည်း ဒီကနေ့မှာ အသိတစ်ချက် လင်းလာ .......... တိတ်ဆိတ်စွာနဲ့ပဲ ကိုယ့်ဘဝ ဦးတည်ရာရှာ ထိုးဖောက်လို့ဝင်မယ် အဆီးအတားများစွာရယ် မေတ္တာလက်နက်နဲ့ ကျော်ကာဖြတ်မလို့ သွားရာလမ်းက ဖြောင့်ဖြူးပါစေ တောင်းဆုခြွေလို့ .......... (8.3.2019) YGN

တိတ်တိတ်လေးနဲ့ ကိုယ်မသိခင် သူဝင်လာခဲ့ တစ်ခဏလား ထာဝရလား မသေချာပေမဲ့ ကံကြမ္မာကို ပုံအပ်လို့ ............ ကိုယ့်ဘဝ သင်ရိုးထဲမှာ အနေတတ်ဖို့နဲ့ လွမ်းတတ်ဖို့ရာ ပါလာခဲ့တော့လည်း အလွမ်းဇတ် အလွမ်းသီချင်း အလွမ်း ကဗျာများနဲ့ ကိုယ့်မှာ ချာချာလည်လို့ ............ နေတတ်သလိုလည်း နေပါတယ် စေလိုရာစေလည်း ရပါတယ် တစ်ခါတစ်လေတော့လဲ လှေခါးထစ်လေးလိုလည်း အသုံးချလို့ သူ့ဘဝမြင့်ပါစေ ရည်ရွယ်လို့ ............. သေချာတာတစ်ခုကတော့ ကိုယ့်ဘဝအတွက်မတွေး သူ့အတွက်ဦးစားပေး အကောင်းဆုံး လမ်းကိုရွေး ဘေးဖယ်ပေးလို့ ရုတ်တရက် နှုတ်ဆက်စကားမဆို တိတ်တိတ်လေးနဲ့ ကိုယ် ............ (10.7.2019) 10 : 00 PM

အနိမ့်စံတော့ကော ဘာဖြစ်သလဲ သူ့မှာ သူ့ဂုဏ် သူ့ရနံ့ အစဥ် မွှေးပျံ့တာပဲ မဟုတ်လား.......... ပန်ချင်သူ ချူစရာမလို မြေခ ကြွေကျ သူ့သဘာဝပဲ ......... မပန်ချင်သူမှာ မထောက်မညှာ နင်းကျော် လျှောက်ကာသွားပေမဲ့...... ခရေချစ်သူမှာတော့ တပွင့်ကြွေ တစ်ပွင့်ကောက် မွှေးရနံ့ကြိုင်လန်း ဒီပန်းကိုပဲ ပန်ချင်စရာ သီကုံးဖို့ ပန်းကြွေသောလမ်းမှာ သူရောက်လာမြဲ ............... TTH (15.6.2019) (15.6.2019) 8:15 AM Photo Credit - Google Image

မေ့မရတဲ့နေ့များမှာ အတိတ်ကပြန်လာ အဟောင်း‌တွေက အသစ်ဖြစ်လို့ ဝေဒနာ ရှင်ခန်းဖြတ်ရရင်ဖြင့် ...... ချန်ရစ်ခဲ့သမျှ ဝေဒနာအဖြေရှာ တစ်နေ့တော့ဖြင့် ဒီသံသရာဝဲဂယက်က အရှုံးမဖက်ရုန်းထွက်ချင်လာ ...... ရုန်းထွက်ခြင်းက အမုန်းမဖက်စေ အရှုံးမပေး နှလုံးအေးစေ ဝေဒနာကိုကုစား ချမ်းမြေ့ပါစေသား ...... လွတ်မြောက်ခြင်းရဲ့အရသာကို အချိန်တခု သက်သေပြုလို့ လက်ခံမိတာ ဖြစ်မြဲဓမ္မတာမို့ နေ့သစ်များမှာ စိတ်ကိုကုစား အမှောင်ထဲက အလင်းသို့....... (10.5.2019)YGN

တံု႕ျပန္မလို ေအးျမျခင္းကို အလိုအေလ်ာက္ရေစလို… ေပးဆပ္ျခင္းနဲ႕တြဲဖက္ေနတာ ေအးျမေမတၱာပါ...... ေပးေသာေမတၱာ ေနွာင္ဖြဲ႕ကင္းကာ ေအးျမမႈနဲ႕ ေက်နပ္ရာ ...… အဆင္ေျပေစ ေဘးကင္းေစ… ဆႏၵဘ၀ ထပ္တူက်ေစ… လိုအင္ျပည့္ေစ ေပ်ာ္ရႊင္ရေစ… ေတာင္ဆု ခါခါေျခြမိတာ ..... စုန္ဆန္စီးလာ သူ႔လမ္းေၾကာင္းဟာ ေျဖာင့္ျဖဴးျခင္းသာ ရွိေစရာ။ (ေပးသူတိုင္းရဲ႕ ရင္ကို ေအးျမေစလိုရင္းနဲ႕ တစ္စံုတစ္ေယာက္က တစ္စံုတစ္ေယာက္ကို ေပးျခင္း၊ မိဘေဆြမ်ိဳး၊ မိတ္ေဆြ၊ သူငယ္ခ်င္း၊ ဆရာသမားမ်ားသို႔...)

ဒီရာသီခါ တစ္ႏွစ္မွာ တစ္ခါသာ ဖူးပြင့္ေဝဆာ အေရာက္လာတာ ပင္ယံထက္မွာ တင့္တယ္စြာ။ ႏွစ္စဥ္ခ်ိန္ခါ အတာမိုးေျပးနဲ႔သာ ပိေတာက္ဖူးတို႔ပြင့္ၾကတာ သစၥာစူးေရာက္ ပန္းပိေတာက္ဟာ မိုးေရခမွပြင့္ရွာသမို႔ မိုးကိုေမွ်ာ္ရရွာ.... အခုအခါ သဘာ၀ဟာ မေထာက္မညွာ  ပိေတာက္၀ါ၀ါ ပြင့္ရန္ေစာင့္ရွာ ပင္လံုးဖူးတံ ျပည့္ေနတာ ..... မိုးမကူလည္း သူ႔ခ်ိန္ခါမွာ ထိန္ထိန္ဝါဝါ စြမ္းကုန္ပြင့္ရွာ ငုပန္းေလးရဲ႕သစၥာပါ။ သဘာ၀တရားဟာ ေဖာက္ျပားလာသမို႔ ပိေတာက္ နဲ႕ ငု ဟာ တစ္ရာသီတည္းမွာ  အၿပိုင္ပြင့္ရန္ အေျခအေနဟာ တျဖည္းျဖည္းေ၀းလာ .... ငုပြင့္ခ်ိန္မွာ ပန္းပိေတာက္ကို ေစာင့္ေမွ်ာ္ၾကတာ လူ႔သဘာ၀မို႔ မိုးသာေမွ်ာ္မိရင္း..... ( ဖူးတံခ်ီလို႔ မပြင့္ႏိုင္ရွာ မိုးကိုသာေမွ်ာ္မိရင္း ) (28.4.2019) YGN