ဝေငှခြင်းအနုပညာ

မိုးပေါ်ကို မော့ကြည့်တော့

ညရဲ့လက အေးမြမြနဲ့ 

သူ့လင်း သူဆောင်ကျဉ်းလို့ ...... 

လမိုက်ညရဲ့ တိမ်သားကင်းစင် 

အာကာတခွင် ကြယ်ကလေးများလည်း 

စွမ်းသလောက်နဲ့ ကမ္ဘာမြေကို 

လင်းစေတာပင် ..... ​

သူ့အလင်းနဲ့ သူ့အချင်းက

ညအမှောင်ကို ထိုးဖောက်ခွင်းလို့ 

တစ်နေ့တာ မောခဲ့သမျှ 

လမင်းကို ငေးရင်း 

ကြယ်တွေကို ရေတွက်ရင်း 

တိတ်တဆိတ် ည များစွာ 

ကျော်ဖြတ်ကာနဲ့ 

ရက်လနှစ်တို့ ကုန်မြန်ခဲ့တာ 

ငယ်စဉ်ကနဲ့ မတူတာ 

တစ်နေ့ထက် တစ်နေ ပိုပိုသေချာလာ ......

ပိုကောင်းမဲ့ မနက်ဖြန်များအတွက် 

ကမ္ဘာမြေအတွက် လင်းလက်စေမဲ့ 

ကြယ်တစ်ပွင့်ကဲ့သို့ ဖြစ်ချင်မိဆဲ 

ဖြစ်ချင်တာနဲ့ ဖြစ်နေတဲ့ကြား

သဟဇာတ မျှအောင်သုံးသပ်လို့ 

ချစ်ခြင်းများလည်း တူတကွဝေမျှ 

တစ်ယောက်လက်ကို တစ်ယောက်တွဲကူ 

ရင်ဘတ်ချင်းတူစွာနဲ့ 

ဝေငှကြစို့ သူငယ်ချင်း ......

(1.10.2019) YGN