ငါ့ရဲ့စာမျက်နှာ/ကဗျာ
လက်တွေ့မှာ ..... ငါဟာ
ရှေ့သို့ဦးတည် လျှောက်တဲ့လမ်းတောင်
နောက်ကြောင်းပြန်မလှည့်တတ်တာ
ပြောင်းပြန်လျှောက်ရမဲ့လမ်း
အမြဲတမ်းရှောင်ခဲ့တာ .......
ဒါပေမဲ့...... စိတ်ကူးယဥ် ငါ့ကမ္ဘာမှာ
အမြဲတမ်း နောက်ကြောင်းပြန်လှည်နေသလိုသာ .....
ရေးနေတဲ့စာမျက်နှာတောင်
နောက်ဆုံးကစလို့ တဖြည်းဖြည်း
နောက်ကြောင်းကိုသာ....
ထိုနည်းတူစွာ ..... အဆုံးသတ်ကစလို့
အစထိရောက်အောင် ပြန်ပြောင်းလို့သာ
ငါဖတ်မိနေတာ ........
ငါ့ဘဝ/ငါ့ကဗျာတွေထဲမှာ
စာမျက်နှာအဆုံးမှာ အစ ပျိုးလို့
အစကိုမှ နိဂုံးချုပ်ဖို့ ငါကြိုးစားမိနေတာ
......
Thursday, April 4, 2019
Comments
Post a Comment