Thet Tant Hlwar (သက်တန့်လွှာ)

အမာခံဆိုတာ မပြောင်းမလဲ ခိုင်မာတဲ့သဘောပဲ မဟုတ်လား သူလုပ်သမျှ ကောင်းကျိုးလိုရာ သာယာပါစေ ရည်သန်ကာလေ သူ့ဖက်မှသာ အမြဲရှိနေတာမျိုး .... သွေဖီခြင်း ကင်းသော အစွန်းအထင်း ကင်းသော ဘယ်အရာနဲ့ မှ မရောထားတဲ့ အဖြူရောင် တစ်မျိုးဖြင်းသာ စိတ်ခွန်အားပေး အမြဲ ရှိနေခြင်းမျိုး ..... မှန်တယ်ထင်ရာ သူလျှောက်လှမ်းကာ လမ်းတစ်လျှောက်မှာ ဖေးမခြင်းနဲ့သာ ထင်ပေါ်စရာ ဒီကမ္ဘာမှာ သူ့အတွက် မလိုတာ လက်ခံလို့ ဦးတည်ရာသာ ထင်ရှားစေကာ အလင်းဖက်မှာ ရပ်တည်ခြင်းမျိုး ..... (30.8.2019) YGN

ကျေနပ်ပါတော့လေ ဘာအတွက်ကြောင့်များ ငါ့ကို အိုဗာတင်းတွေ သိပ်မခင်းချင်ပါနဲ့ သွားကြတဲ့လမ်းမှာ ရိုးဖြောင့်စွာ လုံကြီးတင်ကို ဆံမခတ်ပဲ ဒီအတိုင်းလေးပဲ ထားရအောင် ........ စွန့်ခွာခြင်းရဲ့ ပြယုဒ်တစ်ခုနဲ့ ဆင်ကန်း တောတိုးမဟုတ် ငါ... ဒီလိုပဲ တွေးတာပါ ငါ့မြင်းငါစိုင်း စစ်ကိုင်းရောက်ဖို့ အဓိကမဟုတ်လား ...... စိတ်ရဲ့ ခွန်အားနဲ့ ပင်လယ် သမုဒ္ဒရာ အထပ်ထပ် ငါလေဖြတ်လို့ မိုးကုတ်စက်ဝိုင်းအထိလဲ ရောက်အောင်ထွက်သွားမယ် ........ ပြတ်သထက်ပြတ်အောင် ဒီထက်ပိုတော့ မတတ်နိုင်ပြီ ......... သိဘို့ .... (24.8.2019) SAT

‌ ပြန်ဆုံဖို့ကြိုးစားကြရင်း တို့နှစ်ဦး ရေစက်က ဒီမျှသာ ...... စည်းဝိုင်း အတွင်းကနေ မင်းနဲ့တို့ ဦးတည်ရာက ဆန့်ကျင်ဖက်သို့ ကိုယ်စီ တစ်နေ့ထက် တစ်နေ့ ဝေးသထက် ဝေးလာလို့ ..... ဒါဟာ မာနလို့ဆိုချင်ဆို တကိုယ်ရေ လွမ်းဆွတ်မှုဟာ မင်း သိခြင်း မသိခြင်းပေါ် မမျှော်ခဲ့မိတော့တာ ကြာပေါ့ .......... အဖော်မဲ့နေ့တွေကို အံတု အရာရာ နေသားတကျကိုဖြစ်လို့ ........ သံသရာ စက်ဝိုင်း တစ်ပါတ်လည်မဲ့ချိန် ဆုံမှတ်တစ်ခုမှာတော့ တို့နှစ်ယောက် ဆုံနိုင်ကောင်းရဲ့ ........... အဲ့ဒီအချိန်ကျတော့ အခြေအနေတွေဟာ အဟောင်းက အသစ်ဖြစ်လာမလား မရေရာလေတော့........... သေချာတာ တစ်ခုက ခုချိန်မှာတော့ မင်းနဲ့တို့နှစ်ဦးသား ဝေးရာ အရပ် ကိုယ်စီနှင်လို့ ............... (23.8.2019) YGN

နင်မသိပဲ ကျခဲ့တဲ့ ငါ့မျက်ရည်တွေ အဖြစ်ပျက်များဟာ မနေ့တစ်နေ့ကလို ဒီရင်မှာ ထင်ကျန်နေ ............. နေပါစေလေ မတားချင်ပါဘူး နင်လိုရာ နင်ပျံသန်းဖို့ အမြင်တွေ မတူတော့လို့ အခွင့်အရေးလေး ပေးပါတယ် နင်ထွက်သွားပါ ........ နင်ရေးခဲ့တဲ့ သမိုင်း မရိုင်းပါစေနဲ့လို့ပဲ ငါလေဆုတောင်းခဲ့ နောက်ဆုံးတော့မှ ငါ့ဆီ ပြန်မလာဖို့ ရင်ထဲနင်အမြဲ မှတ်ယူစေချင်လို့ ............ တကယ်တော့ ဘယ်သူမှ မမှားခဲ့ပဲ ဒီကြံကမ္မာကိုပဲ အပြစ်ဖို့ကြစမြဲ အနေတွေဝေးတိုင်းလဲ အဝေးနေမဖြစ်နိုင်တာ ငါလေ ဒီလို ယုံကြည်နေဆဲ ............ (20.8.2019) YGN

တမိုးသောက်လို့ တစ်နေဝင်ခဲ့ပြီ တစ်နေ့တာမှာ လည်ပတ်စွမ်းအား ရှုတ်ထွေးမှုများ ရှင်းအောင်ပြုလို့ အမောများလည်း ပြေစေခဲ့ပြီ ........... ထို့နောက်တဖန် နေ့သစ်အတွက် မင်္ဂလာရှိစေ အားအင်ပြည့်စေ အပြုံးတစ်ခု လက်နက်ပြုကာ လျှောက်ရပေဦးမည် ............ ဦးတည်ရာသို့ သွားရာလမ်းမှာ သတိတစ်ခု နေ့စဥ်ပြုလို့ နီတိ လိုက်နာ ကျင့်သုံးမှန်မှ ဘဝတာမြင့် ဘဝင်တင့်စေ ............ လောဘ မူလ သဘာဝကား ပြည့်ရိုးထုံးစံ မရှိသည်မို့ ရောင့်ရဲ ခြင်းနှင့် ဆန့်ကျင်ပြီ .......... မရှိမရှား ပီတိစားလည်း အားရှိဘိသို့ ခံယူချ င်လည်း မရှိရှားတော့ ပီတိမစားနိုင်တာ သဘာဝမို့ ကတိစကားများလည်း ရေပေါ်အရုပ်ရေးခဲ့သူလို လောကပါလဆန့်ကျင်ပြီ ............... ထိုဖြစ်စဥ်အား ‌စောကြောသုံးသပ် မြင်မိသည်ကား လောဘသမား ပီတိမစား အားမရှိတာမို့ အားအင်ပြည့်ဖို့ ပီတိဆေးသာ မှီဝဲရန်ဟု .................. (20.8.2019) 12:00 AM

သူ ပေးခဲ့သမျှ အရာရာတိုင်းဟာ ကိုယ့်အတွက် ခွန်အားများစွာ ............. မရေရာတဲ့ ကိုယ့်စိတ်များဟာ သူပေးတဲ့ အသိတစ်ခုကြောင့် ရှင်းထုတ်ကာ လွတ်မြောက်ခဲ့ရ လောက လမ်းမှာ......... ဒီလိုနဲ့ပဲ ဘဝတစ်ခုရဲ့လမ်းမှာ လိုပါတယ် ကိုယ့်အနီးနားမှာ အလင်းပေးမဲ့ အလင်းရှင်သာ ............ အရာရာ သူပိုင်စိုးလို့ ယုံကြည်အားကိုး ပိုတိုး၍သာ အနက်ရှိုင်းဆုံး တစ်နေရာမှာ တန်ဖိုးထားရင်း နေထိုင်ဖို့ ကြိုးစားရာ ............ ဒီလိုနဲ့ ရှင်သန်ရာ ခိုလှုံရာ ကမ္ဘာငယ်ဟာ နှစ်လိုစရာများနဲ ပြည့်ဝစုံလာ မနက်ဖြန်တိုင်း အတွက်မှာ အားသစ်များနဲ့ လူသားတစ်ယောက်အဖြစ် တည်ဆောက်လို့သာ ............... (18.8.2019) YGN

ဆုတောင်းမိတယ် ......... မလိုတစ်မျိုး လိုတစ်မျိုးသာ ဆက်ဆံခံရ ဒီဘဝမှာ ရှိခဲ့ငြားလည်း နောက်နောင်ဘဝ ကင်းပါစေ .......... အံ့သြစရာ နောက်ထပ် မမျှော် အရှိအတိုင်းမှန်စွာ ငါ လျှောက်လှမ်းမှာ ........... လှည်မကြည့် ငဲ့မကြည့်ဖို့ ယူနိုင်သလောက်ယူမှာ ဒီသင်ခန်းစာတွေနဲ့ငါ ........ ကျေညက်လွန်းမက ကျေလို့ ကိုယ်နဲ့ယှဥ်ကာ သူတစ်ပါးကို ငါလေ စာနာစွာ ဆက်ဆံလို့ ထပ်တူ အကျိုး ရစေလို ........... ယခုဘဝ လက်ရှိချိန်ခါ ကြုံခဲ့ဖူးလို့ ကျေပြီလို့သာ ငါလေ မှတ်ယူမှာ ............ (17.8.2019) YGN

ထင်ကျန်ရစ်ဆဲ ငါ့ရင်ထဲ ရှိနေယုံလေးပဲ .......... မင်းအတွက် ဘာလိုသေးလဲ ရှေ့ဆက် မင်းရှေ့ဆက် ငါ့ဖက်ကအမြဲအသင့်ရှိမယ် ......... အနွံအတာခံပြီး အမြဲ ပေးဆပ်ခဲ့ နလံမထူနိုင်အောင် မင်းရိုက်ချိုးခဲ့လဲ အမှတ်မရှိခဲ့ ငါ့အသည်း ဒဏ်ရာတွေကို ကုစားရင်းပဲ ........... အရိပ်ပြယုံနဲ့ ငါမြင်ပါတယ် မတွေဝေပါဘူး ကံကြုံရင် ပြန်ဆုံဦးမှာပဲ ........... ရောင့်ရဲတတ်သူ အဖြစ် ထာဝရ ငါမင်းအတွက် ပြင်ဆင်ခဲ့ပြီး ........... သစ္စာတရားကို တန်ဖိုးထား ရှိနေယုံသက်သက်ပဲ မေတ္တာတရားနဲ ငါရှေ့ဆက်ဆဲ ............. (17.8.2019) YGN

နှလုံးသားက ခဏခဏ နာဖျားတယ် ခဏတဖြုတ်လာနားတဲ့ ငှက်တစ်ကောင်ဟာ ခုတော့ဘယ်ဆီမှန်းတောင် မရေရာ အချက်ပြမီးလေးတောင် မသုံးခဲ့တာ နင် ဉာဏ်ကောင်းလွန်းခဲ့လို့ပဲ .............. ကျန်ခဲ့တဲ့ကိုယ့်မှာသာ တစ်နေ့ပြန်လာနိုးနဲ့ အမှတ်မရှိ မျှော်နေမိတုန်း မျောချင်ရာမျော ကမ်းကဘယ်ဆီမသိ တဖြည်းဖြည်း အားနည်းလာလို့ ......... ကံတူအကျိုးပေးမဖြစ်ခဲ့၊ ဒီဘဝဒီမျှသာလို့ပဲ ကိုယ်မှတ်ယူကာ နေဖို့ကြိုးစားဆဲ မင်းပေးခဲ့တဲ့ အနာတရများနဲ့ ပေါ်ပင်မှာ ပျော်ရွှင်သယောင် ကိုယ် ဟန်မဆောင်တတ်ခဲ့ဘူး ......... (8.8.2019) YGN

ဘဝဆိုတာ ရှိတော့ရှိတယ် အရှိမဲ့လို အလင်းဖျော့တဲ့ ကောင်းကင်ကြီးနဲ့ မမြဲခြင်းတရားကို သတိမူရင်း ............ အတုအယောင်တွေက ကြီးစိုးချိန် အစစ်အမှန်တွေကတော့ ယုံကြည်ချက်ကို ဖက်တွယ်ဆဲ လေဆန်ကို အန်တုလို့ ဘုရင့်နောင် ဖောင်ဖျက် ဆက်လျှောက်ဆဲ ........... တစ်နေ့ တစ်လံ ပုဂံဘယ်မှ မရွေ့တာမို့ ကိုယ့်ကြမ္မာ ကိုယ်ဖန်တီးလို့ရယ် အဆီးအတားများ ရှိနေလည်း သွားလိုရာလမ်းမှာ ကိုယ့်မူကိုယ့်ဟန်နဲ့သာ ငါ ........ ဆက်လျှောက်မယ် ...... ကြွေပါစေ မျက်ရည်များလည်း ဒီလောကဒဏ်တွေ ကျော်ကာဖြတ်လို့ ရနံ့ကြိုင်သော ပန်းလေးတစ်ပွင့်လို ထာဝရ မဟုတ်တောင် ဝေလည်းမွှေး ကြွေလည်းမွှေးစေ .............. (6.8.2019) 7:15 AM

မျက်နှာစာအုပ် ရဲ့ စာမျက်နှာ တစ်ခုမှာ သူရေးတဲ့စာတစ်ပုဒ် သေချာဖတ်သလို သူရေးကိုယ်ရေး သူတင် ကိုယ်တင် အကြောင်းအရာနဲ့ လားရာတူမှ လက်မထောင်ကြ အသည်းပေးကြ ရင်ဘတ်တူရာ ညွှန်းဆိုကြတာ ........... လားရာမတူ၊ အရောင်မတူ အမြင်မတူ ထိခတ်ရာ ကွာခြားမှုက တစ်ဦးမှတစ်ဦးသို့ တုန့်ပြန်ချက်မှာ အံသြမှင်သက် ဒေါသမူရာ ပိုကာသာတည့် ......... ထိုမှတဆင့် ထိရှမှုက စိတ်မှာပေါ်လာ လှောင်‌ပြောင်ခြင်းမှ ဝမ်းနည်းခြင်းသို့ ဦးတည်ပြန် .......... နေ့စဥ်နေ့စဥ် ထိုထိုသဘော တွေ့ပါများရ အသည်းဘဝင်မှာ ချက်ပြခေါင်လောင်းမြည်လာပြီမို့ ဤစာအုပ်နှင့် ဝေးရာဆီသို့ တိတ်တဆိတ်နဲ့ ငါလေထွက်ခွါ ............ (4.8.2019) YGN

ပထဝီ မကျေညက်ခဲ့တဲ့ငါက ခုခါမှာတော့ နည်းပညာအားကိုးနဲ့ မင်းရှိမဲ့ နေရာလေးကို ဖွေရှာ အကွာအဝေးကတော့ အစွန်းနှစ်ဖက်မှာ မင်းကအရှေ့ဆို ကိုယ်က အနောက်ပေါ့ ............ နီးစပ်ဖို့လည်း မလွယ်ကူပေမဲ့ အရာရာ စိတ်က ဦးဆောင်တာမို့ စိတ်စွမ်းအားတစ်ခုနဲ့ မြင်ယောင် အိပ်မက်ထဲတောင် ခဏခဏ သွားနေကျမို့ ကိုယ့်အတွက် မစိမ်းတော့တာ .............. တခါတရံမှာ အိပ်မက်မက်နေယုံနဲ့တင် ကိုယ့်ဘဝကို ရောင့်ရဲနေမိတော့တာ မောဟများနဲ့ မျောချင်ရာမျော ခရီးနှင်နေခဲ့မိတာ လမ်းခုလတ် အရောက်မှာ ပြုပြင်စရာများလည်း ဒီကနေ့မှာ အသိတစ်ချက် လင်းလာ .......... တိတ်ဆိတ်စွာနဲ့ပဲ ကိုယ့်ဘဝ ဦးတည်ရာရှာ ထိုးဖောက်လို့ဝင်မယ် အဆီးအတားများစွာရယ် မေတ္တာလက်နက်နဲ့ ကျော်ကာဖြတ်မလို့ သွားရာလမ်းက ဖြောင့်ဖြူးပါစေ တောင်းဆုခြွေလို့ .......... (8.3.2019) YGN