ရင်ဘတ်ထဲက နှင်းဆီ
ရဲရဲရင့်ရင့်နဲ့ ပွင့်လိုက်စမ်းပါ
ရှေးကုသိုလ် ကောင်းခဲ့လို့သာ
ဒီဘဝမယ် မျက်နှာမြင် ချစ်ခင်စေလို့
ပကတိအရှိကိုသာ ရောင့်ရဲ
ပူလောင်မှုကင်း အေးချမ်းခြင်းနဲ့
လျှောက်ချင်သူမို့ ကိုယ့်စိတ်ထဲဝယ်
သူ့တွက် ကျေနပ်ပီတိ ဖြစ်ရတယ် ..... ။
နောင်တချိန်တွက် လောကကြီးမှာ
ချန်ရစ်ခဲ့စရာ သူ့စေတနာနှင့်
သူ့မေတ္တာများ ဆက်လက်တည်တံ့
ခိုင်စေသားလို့ သစ္စာတရား
ဦးထိပ်မှာထား လုံ့လအမြဲစိုက်လေသူမို့....
ကိုယ့်အဖို့မှာတော့ လောကတစ်ခွင်မှာ
အစားထိုးစရာ နောက်ထပ်မရှိတာ
ပင်မြင့်စံနန်းမှာ ရနံ့ထုံသင်း
ဂုဏ်သတင်းမွှေးလို့ မှတ်ယူမိသည်
Comments
Post a Comment