အဖြေမဲ့ပုစ္ဆာ
သံယောဇဥ် လက်ကျန်လေးကို
တစ်စစီ ကောက်သိမ်းလို့
အိပ်မက်က လက်တွေ့ဖြစ်မလာတဲ့အခါ
အမှတ်မထင်နဲ့ တို့တွေဝေးဖို့ဖြစ်လာတယ်..... ။
ချည်မိတဲ့ကြိုးက ဆွေးမြည့်ကုန်တော့
နောက်ဆုတ်ကြရင်းပဲ ပြတ်သွားခဲ့တာလား
လျော့လွန်းလို့ လွတ်ထွက်သွားတာလား
ငါ့မှာ ဖြေရှာ မောလာပြီ .....။
အဖြေမဲ့ပုစ္ဆာ ဖွေရှာမောချိန်
မရေရာတဲ့ ခရီးလမ်းတွက်
ဇာတ်သိမ်းလှမလှ မသေချာလှသမို့
လမ်းခုလတ်က လှည့်ပြန်ထွက်ခဲ့တာ
နာကျင်စရာများလည်း အားမကြီးခင်
တို့တွေ ဝေးကြတာပဲ ကောင်းပါတယ်လေ .....။
(22.11.2019) YGN
Comments
Post a Comment