အကျွန့်ရင်ထဲ ခံယူထားတယ်
သိက္ခာနဲ့ ရိက္ခာက သံတူကြောင်းကွဲတယ်
ရိက္ခာအတွက် သိက္ခာနဲ့ မလဲပါနဲ့မိတ်ဆွေ .....။
မှား/မှန်ဆိုတဲ့ လောကသဘာဝမယ်
မှားစေတဲ့ ရင်းမြစ်အရင်စစ်မှ
အမှန်ရောက်လိမ့်မယ် မဟုတ်လား ....။
လုပ်ရပ်တိုင်းဟာ
ကံတွေ အသစ်ဖြစ်တယ်
ဂုဏ်ဆာသမျှ ပူလောင်ရတယ်
မမြဲခြင်းတရားရဲ့အသိနဲ့
ဒီရုပ်ဒီခန္ဓာမှာ ငါစွဲကိုခွာမှ
ဒုက္ခကလည်း မမြဲဘူးဆိုတာသိမှ ....။
အတ္တဦးဆောင် လူတို့ဘောင်ဝယ်
ထမ်းပိုးကလည်း လေးသထက်လေးရင်
လွှတ်ချသင့်တာလည်း မနှမျောနဲ့
တရားတဲ့ဖက်ရပ်ဖို့လည်း မတွန့်ဆုတ်နဲ့ ....။
မိတ်ဆွေစစ်တွေရယ်
ယုံကြည်ရာတူလို့ သွားရာလမ်းတွေတူကြတယ်
မတူကွဲပြားမှုတွေကို ညှိယူရင်း
သာယာသော လူ့ဘောင်တည်ဆောက်ကြမယ် .....။
သက်တန့်လွှာ (၁၃.၃.၂၀၂၁)
Comments
Post a Comment